Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4043 und er der zweinzegeste an der zal.
        als er die zuo im genam
        und zuo den herbergen kam,
        nâch ungevüegem gruoze
        sô stiez er mit dem vuoze
4048 die tür daz si zebrach.
        daz was dem wirte ungemach
        und wolde wâfen hân geschrirn.
        "nû sihstû wol daz wirz birn"
        sprach der ungetriuwe man:
4053 "vürhte dir niht und sage an,
        waz diutent disiu lieht hie?"
        diz wâren diu dâ lie
        der tugenthafte Êrec
        dô er sich machete ûf den wec.
4058 der grâve des niht enweste.
        "wâ slâfent dîne geste?"
        "herre, si sint geriten."
        mit zornigen siten
        sprach der grâve: "si ensint."
4063 "lüge ich, herre, ich wære ein kint."
[ zurück ]